حبة نكت على المشرفين أنما أيه عسسسل

يلا بينا نضحك على المشرفين شوية

المهم أنا حبيت أقولكم شوية نكت على المشرفين ( ربنا يستر - شكلى كده برسم على طردى من المنتدى )

أنا بس طالب منكم خدمه

لما انطرد من المنتدى تعملوا مسيرة ومظاهرة وتضغطو عليهم يرجعونى تانى

1 - خطيبة مشرف كل ماتتصل بيه تطلعلها رسالة مسجلة - السرفر مشغول حالياً ، حاول فى وقت آخر .

2 - مشرف شغال فى المرور كل مايشوف عربية مخالفة يديها تقييم سالب .

3 - مشرف كتب كتابه فى موضوع وعمل الحفلة فى قاعة التهانى والمناسبات ووزع على المعازيم تقييمات موجبة

4 - مشرف زعلان من مراته عملها حظر

5 - مشرف عام غطسوه تانى

6 - مشرف خلف توأم إحتفظ بواحد والتانى حطه فى المتكرر

7 - مشرف جاتله فاتورة التليفون كبيرة عملها تعديل

8 - زوجة مشرف نسيت تحط الملح فى الأكل حطلها تقييم سلبى

9 - مشرف زهق من مراته عملها ايقاف

10 - مشرف بيتغزل فى خطيبته وبيقولها إنتى موضوع عمرى ... أنتى مشاركة حياتى .. إنتى كل صلاحياتى ...

11 - مشرف عاوز يخطب عضوة قالها ممكن أسجل عندكم فى البيت بس ياريت والدك ميتأخرش عليا فى رسالة التفعيل

12 - مشرف عنده حالة نفسية كل مايكتب موضوع يحذفه

13 - مشرف عاوز يعرف حبيبته بتحبه أو مبتحبوش دخل علي المواضيع وبدأ يحذف المواضيع واحد ورا التانى ( بتحبنى -

مبتحبنيش - بتحبنى - مبتحبنيش )

14 - مشرف عام موظف فى مصلحة حكومية شرط على كل عضو يكتب مشاركة يحط عليها ورقة دمغة

15 - مشرف دخل المناقشات طلع منها بخمس غرز وإرتجاج فى المخ

16- مشرف دخل في منتدي المرأة طلع منها بست اشهر

17 - مشرف دخل قسم القضايا السياسية قبضوا عليه فى مظاهرة

18- مشرف إختلف مع المشرف عام نقلة مشرف علىقسم ا لمواضيع المكررة

هههههههههههههه

معلش بقا يا مشرفين متزعلوش هههههههههه

تعيشو وتاكلو غيرها

مشكور على الموضوع يا بوب

مشكور ياغالي على الموضوع الحلو تسلم اديك

تحيااااااااتي