شب بزبط بنت على التلفون

مرحبا شباب وصبايا

اليوم حابه اعرضلكم محادثه معروفه ويمكن صايره مع كتير منا

بس بدي رأيكم بالأخر

شب بزبط بنت عن طريق التلفون

الشب: مرحبا هاد تلفون أبو عوض ( عاد بكون ماخد رقم البنت من صاحبه)

البنت: لا النمره غلط

الشب: عفكره صوتك حلو .. الحمد لله انه ربنا خلاني اغلط علشان اسمع هالصوت الحلو

البنت: ليش بتخفف دمك ومين أعطاك رقمي؟؟

الشب: والله إني غلطان بالرقم وتخربطت بأخر رقم (عاد صاحبه إلي أعطاه رقم البنت وبكون قاعد جنبه)

البنت: طيب خلص شو بدك

الشب: مالك معصبه .. يا ستي أسف اني غلطت بحقك وما راح رن عليكي مره تانية .. بس على كل حال أنا متضايق ومش لاقي عروس .. عاد مش ناقصني إشي وكل البنات ما بصمدوا معي .. وأول ما أسكر الخط راح انتحر مش لاقي حد يسمعني ... وكنت بتمنى إنك تسمعيني بس يا خساره يلا باي.

البنت: استنى استنى أنت شو اسمك

الشب: اسمي رامي ومهندس بشركة نفط بالخليج وجاي هون شهر إجازه (عاد بكون اسمه عواد وعنده كشك سجاير بالبلد)

البنت: شو برجك؟؟؟ (هاد أكتر سؤال بسألوه البنات)

الشب: برجي الجوزاء

البنت: كيف شكلك

الشب: طويل وعيوني خضر وبلعب حديد بس تارك صارلي فتره عشان هيك نصحان شوي بس راجع ألعب (عاد بكون شبه شعبان عبد الرحيم)

البنت: مش مهم الشكل انا ما بهمني بالشب شكله المهم عقله يكون كبير

الشب: من هاي الناحية لا تخافي كل أصحابي بحكوا معي علشان احللهم مشاكلهم ولله الحمد أنا زلمة راكز وقد حالي وكل الحاره بتحسبلي مليون حساب (عاد بكون هو مشيب صحابه وسبب كل مشاكلهم)

البنت: لا مبين عليك على قد حالك وطيوب بس ليش ولا بنت بتصمد معك

الشب: كل بنت بحكي معها بتتجوز أو بتنخطب وكل ما أحب بنت بتخوني وبتغدر فيه علشان أنا قلبي طيب ومخلص (بكون هو حالق لكل البنات وعمرو ما أخلص لحد)

البنت: يا حراااااااام

الشب: ما قلتيلي إنت مرتبطه أو مصاحبه

البنت: لا عمري ما حبيت ولا حكيت مع شباب

الشب: أهااااا ( وببعد السماعة عن دانه وبصير يضحك عشان بكون قاعد معه أصحاب البنت الأربعة إلي صاحبتهم من قبل)

الشب: طيب أنا لازم اروح علشان سيارتي البي إم صافه بنص الشارع وبرجع أحكي معك (عاد بكون رصيده خلص وراح يفصل الخط ومعوش حق السجاير)

وهيك بتستمر هادي المكالمات لحد ما يخلص الشب من البنت بحكيلها انه خلصت إجازته ولازم يرجع يسافر وبعدين بيعطي رقمها لصاحبه وهيك بتستمر المهزلة

ههههههه

يلا خبروني بصراحه بصراحه كم مره عملتوها؟؟؟ شب بزبط بنت على التلفون 11istling

:>

تحياتي

مشكور ياغالي على الموضوع الحلو تسلم اديك

تحيااااااااتي

لك على هذا

الضحك
وشكرن لك