الحب ؟! بقى بطيخ لأ وأية أقرع

حتى الحب
بقى بطيخ !! لأ وأية أقرع

السلام عليكم ورحمة الله
وبركاته

أزيكم ياجماعه النهاردة
عاوز أحكيلكم عن شوية حاجات في الحب كدا وعاوزكم تقولولي يأما انا صح يأما انا صح

أيام زمان أيام جدي من
بتاع تسعين سنة كدا آآآآآآآة عليا النعمة كان في حب بس ماكنش حب زي
دلوقتي

يعني أضربلكم مثال صغير
جدي ماكنش بيفضل قاعد قدام روتانا كليب ويبعت لجدتي في رسايل ويعمل النك نيم
بتاعه

قيصر الحب وهيا تعمل
النك نيم بتاعها الأميرة النائمة “مش عارف ستي هاتصحى أمتى” وزي ماقولتلكو الكلام
دا ماكنش بيحصل

وأساسا أنا افتكر ايام
جدي والأيام دي أنا فاكرها كويس يمكن انتوا ماتووعوش عليها بس انا فاكرها زي مايكون
أمبارح

جدي وهوا رايح يتقدم
لجدتي هيا المفروض أنها بنت عمة راح لعمة قالو ياعمو ياعمو قالو نعم يابني قالو أنا
عاوز أكمل نص ديني

الكلمة دي طلعت من هنا
وعم جدي برء وأتخض أنت شوفتها فين؟! أنطق أتكلم هادبحكوا أنتوا الأتنين العار ولا
التار

جدي قالو والمصحف ياحج
ولاعمري شوفتها أنا بسمع بس قام جاي عم جدي قالو أن كان كدا معلهش الدخلة الخميس
الجاي

أأأأأيون هيا كدا على
طول أيام جدي كانت خبط رزع مافيش فصال

نيجي بقى بعد ماجدي
اتجوز وبدأ يخلف أبويا وأخوات أبويا الوضع بدأ يتغير قولولي لية أتغير؟! لأ قولو مش
عاوز حد يتنح لو سمحتوا المقال لسة طويل

هاقولكم أنا لية عشان في
اختراع بدأ يغزو مصر أسمة التليفزيون والأختراع دا أنا أفتكر أم جدتي أيوة ما انا
قولتلكم أنا واعي كويس ع الأيام دي وماحدش يسألني أنت عندك كام سنة لو سمحتوا عشان
” مش قايل”

أم جدتي بقى كانت تيجي
تقعد قدام التليفزيون دا وتقوم جاية مخبية وشها الناس اللي قاعدة تسألها أنتي لية
بتخبي وشك؟! تقولهم بكل براءة أصل الناس اللي في التليفزيون دول هايشفوني

شايفين البراءة؟ دلوقتي
تيجي تشوف كليب لروبي تلاقي البنت من دول إلا من رحم ربي عشان عارف انا هاكتب
التوبيك دا هالاقي الردود والأيميلات من البنات والشتايم والضرب
للصبح

أنا باقول إلا من رحم
ربي أهو أشهدوا ياناااااااااس

المهم تلاقي البنت من
دول بتتفرج على كليب روبي ونفسها تنط جوة قلب الكليب ترقص معاها أيون بيحصل

نرجع لموضوعنا أنة جدي
خلاص خلف العيال ورباهم وبدأ الجيل التاني بعد جدي وكان أيام الجيل دا بقى
عبدالحليم وأم كلثوم وشادية

وبدأ بقى الحب يتعرف في
التليفزيون عوبد الورد ماسك شادية وبيقولها كلمة سنين عاوز أقولها بس ماكنش عندي
الشجاعه أني أقولها أحبك أحبك وأموت وأنا بحبك ماتموت ياعم حد كان
حايشك

ومن هنا بدأ الحب بقى
يتفشى والناس عنيها تتفتح أكتر وأكتر والبركة في التليفزيون قصدي في الأعلام ولا
اقولكم مش قصدي حاجة

وبدأت العصور تتوالى بعد
حليم وأم كلثوم وشادية والناس الجامدة الأديداس دي لحااااااااااااااااااااد ماظهر
جاد شويري وشلة الأنس الجديدة

وبدأ الحب يكون بح وليس
حب أعكسها وقولي رأيك

أيون الحب بقى بح دلوقتي
الحب بقى عبارة عن التالي

الواد دخل الثانوي لازم
يحب لألألألأ مش يحب بالمعنى لأزم يمشي مع بنت وتسعين خط تحت كلمة يمشي

البنت نفس الكلام وهيا
داخلة ثانوي لأزم اي حاجة كدا أشمعنى سنية صاحبتي يعني ولا
تفيدة

ويفضل الواد من دول يعدي
على بنات الدفعه بنت بنت ويمشي مع دي ويكلم دي ويجيب دباديب لدي يابني انت أبوك
بيصرف عليك اصلاً

وتلاقي الواد من دول
بيخنصر فلوس الدروس ويروح يحب بيها ويجيب كروت موبينيل وفودافون الله يسامحك
ياجرهام بل خربت بيتوتنا ياجدع

وبعدين نيجي نخش على
مرحلة الكلية والجامعه بقى ودي المرحلة الحاسمة في حياة أي شاب تتاتتاننننننن أول
يوم جامعه

بص أنا حاكسر الدنيا
بنات الجامعه دفعه دفعه هاأنتم معاهم واللي ترفض في ياعم غيرها
كتييييييييييييير

أستنااااااااااااااااااا
ياعممممم فين الحب في الكلام دا من أول جيل جاد شويري وروبي؟

ما انا قولتلك بقى أسمة
بح ماتركز معاياا ركز ياعم؟!

نيجي بقى للبنت اللي
بتحب الولد ودا بقى أغلب الأحوال دلوقتي الحب من طرف واحد أو الحب من طرف
ونص

الطرف اللي هوا البنت
والنص اللي هوا اللي ينضرب في قلبة أبو عيون زايغه اللي هوا أحنا
“الشباب”

البنت تفضل تحب في الواد
من دول ياخويا وتجيبلو في دباديب وتجيبلو في ماشاء الله ويقسموها نصين

هيا معاها لا إله إلا
الله وهوا معاه النص التاني محمداً رسول الله وتفضل قصة الحب العنيفة دي دايرة بتاع
شهرين تلاتة

وفي الأخر يالا
الهووووووول كارثة مصيبة البنت شافت الواد بتاعها واقف مع بنت غيرها وبيضحكوا
أوبااااااا يأما علقة للواد يأما البت يغمن عليها

وتيجي لحظة الفراق الواد
من جواة ياشيخة غوري داهيه تقرفك مصاحب راجل ياولاد

وهيا كدا يامحسن تعمل
فيا كدا ربنا يسامحك حسبي الله ونعم الوكيل فيك وتفضل ياعيني سنة تعيط

وهوا ولافي دماغه أصلا
وكلم غيرها بتاع ستين بنت

وتفضل الحكايات
والروايات وألبومات عمرو دياب تنزل ومحمد فؤاد وتامر حسني والشباب
يشتررررررري

ياناس دا في شريط للشيخ
فلان مالوش حل لسة نازل ولاه انت هاتصدعنا لية أسرح يابا شوفلك سكة

ونيجي للمرحلة الاخيرة
من حب الزمان الأغبر دا

أتنين بيحبوا بعض فعلا
حب حب حب وأشد من حب عبد الحليم لشادية كمان

ولكن تيجي تلاقي الأهل
معارضين وفي الاخر البنت تتجوز واحد غير اللي فضلت طول عمرها
تحبة

والواد نفس الكلام
ويجيوا يتقابلو في السوبر ماركت بعد تسع سنين ياااااااااه محروس أزيك مستحيل مش
معقول انتصار

أزيك أخبارك اية ؟ أبنك
دا؟ تقوم جاية باصه للواد بحسرة آة وانت أخبارك أية؟ أنا اتجوزت الحمد لله وبشتغل

المهم تلاقيهم في كلامهم
زي أتنين صحاب مش زي أتنين كانو هايموتوا نفسهم قبل الجواز

فأنا نصيحة مني في الزمن
دا يابنتي أوعي تحبي لحسن تتصدمي وأنت يابني أهدى شوية وركز معايا !

ونشوفكم المقال الـ
جااااااااااي[

مشكور ياغالي على الموضوع الحلو تسلم اديك

تحيااااااااتي

مشكووووووووووووووووووور على المرور
انتظر منى الجديد ان شاء الله

مشكووووووووووووووووووور على المرور

انتظر منى الجديد ان شاء الله